عرشیده زمزمه وار سید و سالار گلوب
اولیا ایستدیغی دهریده دلدار گلوب
دست حق وردی صفا جنت الاعلایه بوگون
زیب باغ و چمن و گلشن و گلزار گلوب
ور خبر اهل دله عافیتیز گئتمه لیدی
چون کی بیمار ائلین دیده بیمار گلوب
لیلی لر باخسا بونون گوزلرونه مات اولاجاخ
خیل عشاقی گرفتار ائلین یار گلوب
حسنی عالمده پوزوب هر گوزلین بازارین
یوسفی محو ایلیوب شهره ی بازار گلوب
رشته عشقه خدا حلقه ی دیگر یارادیب
افتخار علوی مفخر ابرار گلوب
بیر قوجاخ نوریدی کی فاطمه آغوشه آلوب
نوگل سر سبد حیدر کرار گلوب
نطقا و منطقا و خَلقا و خُلقا نبوی
گوییا بار دگر احمد مختار گلوب
نام زیباسی حسن ؛ حُسن دل آراسی حسن
جلوی حُسن جمیل حق دادار گلوب
زینبین قارداشی بند دل زهرای بتول
نور چشمان حسین رهبر احرار گلوب
کرمین شخص سلیمان نبی بوندان آلوب
اهل انفاق و کریمانه علمدار گلوب
ماه رحمتده خدا خلق ایلیوب باب کرم
علت بخشش عاصی و گنهکار گلوب
اشجع الناسیدیلر جمله ی اولاد علی
خوار ائدن عایشه نی جنگیده سرار گلوب
طائرا غم یمه بیر گون اولاجاخ یاریمیزین
گوره روخ مرقدینه دسته ی زوار گلوب
تقریر ۱۵ ماه رمضان سال ۱۴۰۱
#طائراورنگی
- شنبه
- 27
- فروردین
- 1401
- ساعت
- 2:19
- نوشته شده توسط
- طائر
- شاعر:
-
طائر اورنگی
ارسال دیدگاه